23/03/09 15:43

Adelajda, Bjordi dhe Adi diskutojnë për banoren e re Anjezën. Adelajda i thotë Adit që Bjordi i ka dhënë këshillë që të afrohet me të, por ajo ka frikë se mos i ndodhë si me Mesidën. Ajo shton:-“Më duhet kohë që ta njoh!” Adi i thotë që ajo gabon në këtë rast, dhe se duhet ta provojë njëherë që të afrohet. Adela ia kthen që personat që kanë hyrë, i kanë ndjekur nga jashtë, dhe i njohin më mirë karakteret e tyre. Sipas saj ato hynë me një qëllim të caktuar, dhe merr si shembull Mesidën e cila kishte hyrë me idenë për të prishur shoqërinë e saj me Bjordin. Bjordi i thotë që ajo nuk humbet asgjë nëse i afrohet Anjezës. Sipas Adeladës Mesida ishte një vajzë shumë e zgjuar dhe e vlerësonte, por ajo arriti që ta urrente Adelën. Ajo shton:-“Nuk dua të më urrejnë!”